DÖVLƏT İDARƏÇİLİK AKADEMİYASINDA MƏZUN GÜNÜ QEYD EDİLMİŞDİR

İyunun 30-da Azərbaycan Respublikasının Prezidenti yanında Dövlət İdarəçilik Akademiyasında 2009-2010-cu tədris ilinin məzunları ilə görüş keçirilmişdir.
Tədbiri Akademiyanın rektoru, əməkdar elm xadimi, professor Seyfəddin Qəndilov açaraq məzunları təbrik etmiş, onlara gələcək işlərində uğurlar arzulamışdır. Rektor müstəqil dövlətimizin memarı və qurucusu olan Ulu Öndər Heydər Əliyevin təhsilin inkişafına daim böyük önəm verdiyini, Ümummilli Liderin siyasətinin bu gün də Prezident İlham Əliyev tərəfindən uğurla davam etdirildiyini bildirmişdir. S.Qəndilovdövlətimizin başçısı İlham Əliyevin təhsillə bağlı imzaladığı bir çox sənədlərin əhəmiyyətini diqqətə çatdırmışdır. Ölkəmizdə gənclərə göstərilən dövlət qayğısından, Akademiyada qazanılan uğurlardan bəhs edərək, təhsil müəssisəsinin beynəlxalq əlaqələrinin ilbəil genişləndiyini söyləmişdir. Rektor ümid etdiyini bildirmişdir ki, DİA-nın ənənələrinə sadiq qalan tələbələr bilik və bacarıqları ilə idarəçilik sahəsində öz töhfələrini verəcəklər.
Çıxış edən məzunlar Akademiyanın professor-müəllim heyyətinə təhsil almaları üçün hərtərəfli şərait yaratdıqlarına görə öz minnətdarlıqlarını bildirmiş, doğma vətənə və xalqımıza daim ləyaqətlə xidmət edəcəklərinə söz vermişlər.
Təhsildə fərqlənmiş məzunlara diplomlar təqdim edilmişdir.

Foto

DİA-nın Mətbuat və İnformasiya Xidməti