|
 İyunun 4-də Azərbaycan Respublikasının Prezidenti yanında Dövlət İdarəçilik Akademiyası, Türkiyə və Orta Şərq İdarəetmə İnstitutu, Sankt-Peterburq Dövlət İqtisadiyyat və Maliyyə Universiteti, Türkiyə Cümhuriyyəti Mərmərə Universiteti ilə birlikdə “Qlobal maliyyə böhranı və dövlət idarəetmə sistemində antiböhran siyasət: dünya təcrübəsi və Azərbaycan modeli” mövzusunda Beynəlxalq elmi-praktiki konfrans keçirmişdir.
Konfransı Akademiyanın rektoru, əməkdar elm xadimi, prof. Seyfəddin Qəndilov açaraq mövzu ətrafında geniş məlumat vermiş, Ümummilli Lider Heydər Əliyevin zəngin dövlətçilik təcrübəsinin öyrənilməsinin zəruriliyini, əhəmiyyətini qeyd etmiş, bu istiqamətdə ölkə başçısı cənab Prezident İham Əliyevin gördüyü işlər nəticəsində Azərbaycanın bu gün sürətlə inkişaf etdiyini bildirmişdir. Həmçinin rektor “Dövlət idarəetmə sistemində antiböhran qərarların optimal reseptləri: Azərbaycan modeli” mövzusunda məruzə ilə ətraflı çıxış etmişdir.
Konfransda Türkiyə və Orta Şərq İdarəçilik İnstitutunun Baş direktoru prof. Dr.Eyyup Günay İspir, Türkiyə Cümhuriyyəti Mərmərə Universitetinin rektor vəkili, Bankçılıq və Sığotraçılıq İnstitunun direktoru, prof. Dr. Camal İbiş çıxış edərək mövzu ətrafında məlumat vermişlər.
Sonra Azərbaycan Respublikasının Prezidenti yanında Dövlət İdarəçilik Akademiyasının rektorunun elmi məsələlər üzrə müşaviri, i.e.d. prof. Zahid Fərrux Məmmədov “Qlobal böhranı və dövlət idarəetmə sistemində antiböhran siyasət: ümumi problemlər və fərqli yanaşmalar”, Türkiyə Cümhuriyyəti Mərmərə Universiteti Maliyyə kafedrasının müdiri, prof. Hasan Selcuq “Qlobal böhranın Türkiyə iqtisadiyyatına təsiri”, Sankt-Peterburq Dövlət İqtisadiyyat və Servis Universitetinin Dünya iqtisadiyyatı kafedrasının müdiri, i.e.d., prof. Çernenko V.A. “Qlobal böhran şəraitində Rusiya iqtisadiyyatının diversifikasiyası”, Azərbaycan Respublikasının Rabitə və İnformasiya Texnologiyaları Nazirliyinin Aparat rəhbəri, dos. Dr. Vidadi Zeynalov “Qlobal maliyyə böhranı şəraitində Azərbaycan maliyyə bazarının vəziyyəti: təhlil və qiymətləndirmə” haqqında məruzələr etmiş, mövzular ətrafında fikirlərini konfrans iştirakçıları ilə bölüşmüşlər.
FOTO >>>
DİA-nın Mətbuat və İnformasiya Xidməti
|
Dövlət