 Mayın 22-də Azərbaycan Respublikasının Prezidenti yanında Dövlət İdarəçilik Akademiyasında tanınmış filosof, “Fəlsəfə və sosial psixologiya” kafedrasının müdiri, professor Tofiq Rəsulovun anadan olmasının 80, pedaqoji fəaliyyətinin 60 illiyi ilə bağlı tədbir keçirilmişdir.
Tədbiri İdarəçilik Akademiyasının rektoru, əməkdar elm xadimi, prof. Seyfəddin Qəndilov açaraq yubilyarı təbrik etmişdir. Rektor Tofiq Rəsulovun elmi-pedaqoji fəaliyyətindən danışmış, onun müəllimlik səriştəsindən, apardığı elmi tədqiqatların əhəmiyyətindən bəhs etmişdir. S.Qəndilov onun “Fədakar ə məyə görə” medalı, iki dəfə Azərbaycan SSR Ali Sovetinin Rəyasət Heyətinin Fəxri fərmanı, “Azərbaycan Respublikasının Əməkdar müəllimi” fəxri adı ilə təltif edildiyini diqqətə çatdırmışdır. Tofiq müəllimim bu illər ərzində qazandığı bütün uğurların həqiqətən də onun mənalı ömrünün dolğunluğunun parlaq təzahürü olduğunu vurğulayan rektor onun dövlətçiliyimizin və Ulu Öndər Heydər Əliyev siyasətinin yorulmaz təbliğatçısı olduğunu bildirmiş, yubilyarı bir daha təbrik edərək ona uzun ömür, möhkəm can sağlığı, Vətənimizin və xalqımızın xoşbəxt gələcəyi naminə daha böyük yaradıcılıq həvəsi, təhsildə və elmdə yeni-yeni uğurlar arzulamışdır.
Tədbirdə Tofiq müəllimlə bir yerdə İdarəçilik Akademiyasında çalışan müəllimlər, işçilər, onu uzun illərdən bəri tanıyanlar onun yüksək mədəniyyətindən, səmimiliyindən, qayğıkeşliyindən, təşkilatçılığından danışmış, ona öz hörmət və ehtiramlarını bildirmişlər.
FOTO >>>
DİA-nın Mətbuat və İnformasiya Xidməti
|
Dövlət