Azərbaycan Respublikasının Prezidenti yanında Dövlət İdarəçilik Akademiyasında ixtisasartırma kursunun növbəti buraxılışı başa çatmışdır.
“İnvestisiya proseslərinin dövlət tənzimlənməsi və dövlətin maliyyə-kredit siyasəti” üzrə kursda İcra Hakimiyyəti orqanlarının, müvafiq nazirlik, komitə və idarələrin rəhbər işçiləri iştirak etmişlər.
Bu sahədə kursun proqramının əsas məqsədi Azərbaycan Respublikasının Prezidenti cənab İlham Əliyevin həyata keçirdiyi müasir iqtisadi siyasətin mahiyyətinin və strategiyasının açıqlanması, Azərbaycanda investisiya mühitinin daha da yaxşılaşdırılması və xarici investisiyaların cəlb edilməsinin strateji prioritetləri, dövlətin investisiya və maliyyə-kredit siyasətinin aktual məsələləri və s. problemlərlə bağlı biliklərin sistemləşdirilməsi, dinləyicilərə yeni biliklərin verilməsidir.
Kursda Heydər Əliyevin dövlət idarəçilik təcrübəsi, dövlətin maliyyə sistemi və maliyyə siyasəti, Azərbaycanın müasir iqtisadi siyasəti: mövcud problemlər və perspektivlər, Azərbaycan Respublikasının qeyri-neft sektorunun inkişafı dinamik inkişafın zəruri şərti kimi, Azərbaycanın müasir investisiya siyasəti və regionların sosial-iqtisadi inkişafı mərhələləri, dövlət qulluqçularının siyasi mədəniyyətinin formalaşmasının aktual problemləri və digər məsələləri əhatə edilir.
Milli Məclisin İqtisadi siyasət komitəsinin sədri akademik Ziyad Səmədzadə, İqtisadi İnkişaf nazirliyinin İqtisadi İslahatlar Elmi-tədqiqat İnstitutunun direktoru Vilayət Vəliyev, Azərbaycan Dövlət Neft Şirkətinin vitse-prezidentinin müşaviri professor Eldar Şahbazov, İqtisadi İnkişaf nazirliyinin şöbə müdirləri Əli Hacıyev, Sahil Babayev, Araz Əliyev, Anar Kərimov, Maliyyə nazirliyinin şöbə müdirləri Məzahir Ağazadə, Pərvin Manafov, Mahir Abdullayev, Mərkəzi Bankın məsul işçiləri Rəna Məlikova, Azər Ələsgərov, Elşən Cəfərov, Dövlət Gömrük Komitəsinin, Vergilər nazirliyinin, Hesablama Palatasının, Auditorlar Palatasının şöbə müdirləri Əzizağa Hüseynov, Elnur Allahverdiyev, Yunis Quliyev, Faiq Nəcəfov Nəcəf Talıbov və tanınmış alim-mütəxəssislər dinləyicilər qarşısında investisiya proseslərinin və dövlətin maliyyə-kredit siyasətinin müasir problemlərinə dair müxtəlif mövzularda mühazirələrlə çıxış etmişlər.
Dinləyicilər Azərbaycan Respublikası İqtisadi İnkişaf nazirliyinin İqtisadi İslahatlar Elmi-tədqiqat İnstitutunda və Azərbaycan Respublikası Qiymətli Kağızlar üzrə Dövlət Komitəsində təcrübə keçmişlər. Təcrübə zamanı rəhbər işçilər dinləyicilərlə görüşmüş və onları maraqlandıran çoxsaylı suallarını cavablandıraraq öz təşkilatlarının vəzifələri və gördükləri işlər haqqında geniş məlumat vermişlər.
DİA-nın rektoru, əməkdar elm xadimi, prof. S.T.Qəndilov kusun sonunda dinləyicilər qarşısında çıxış edərək kursun işini yekunlaşdırmış, dinləyicilərə müvəffəqiyyətlər arzu etmiş və onlara kursu bitirdiklərinə dair sertifikatlar təqdim etmişdir.
Foto
DIA-nın Mətbuat və İnformasiya Xidməti |
Dövlət