DİA-da dəyirmi masa keçirilmişdir

Mayın 6-da Azərbaycan Respublikasının Prezidenti yanında Dövlət İdarəçilik Akademiyasında Ümummilli Lider Heydər Əliyevin anadan olmasının 85-ci ildönümünə həsr olunmuş “Rəhbər kadrların ixtisasının artırılması” fakültəsi müdavimlərinin iştirakı ilə “Heydər Əliyevin Dövlət İdarəçilik Təcrübəsi İdarəetmə Kadrlarının Hazırlanmasında zəngin mənbədir” mövzusunda dəyirmi masa keçirmişdir.
Tədbiri İdarəçilik Akademiyasının rektoru, əməkdar elm xadimi, professor Seyfəddin Qəndilov açaraq tədbir iştirakçılarını salamlamış, bütün mənalı həyatını öz xalqına bəxş etmiş Ümummilli Lider Heydər Əliyevin siyasi və dövlət xadimi kimi zəngin fəaliyyətindən, əsl dövlət idarəçilik məktəbi yaratmasından, Azərbaycan xalqının neçə-neçə nəsli bu böyük məktəbdən, Heydər Əliyevin zəngin siyasi irsindən ölkəmizin inkişafı, xalqımızın rifahı naminə faydalanacağını bildirmişdir. Tarixdə nadir şəxsiyyətlərdən biri kimi iz buraxan ulu öndərin xidmətləri və keçdiyi ömr yolu haqqında çox deyilsə də əsrlər boyu bu mövzuya müraciət olunacaq və onun zəngin irsi alimlər tərəfindən dərin, əhatəli, ətraflı elmi əsaslarla gələcək nəsillərə çatdırılmasının vacibliyini bir daha qeyd etmişdir.
Tədbirdə “Rəhbər kadrların ixtisasının artırılması” fakültəsinin dekanı, dosent Bayram Haqverdiyev çıxış edərək Heydər Əliyevin dövlətçilik və idarəçilik siyasətinin respublikamızın ictimai-siyasi həyatındakı rolunun vacibliyindən danışmışdır.
Sonra mütəxəssis Elmira Dadaşova “Heydər Əliyevin Azərbaycan Respublikasında vətəndaş cəmiyyətinin formalaşmasında rolu”, ümumi təhsilin texniki təşkilatçısı Eyyub Kərimov “Heydər Əliyevin dövlət idarəçiliyində siyasi varislik”, istehsalat təcrübəsi rəhbəri Rəşad Muradov “Heydər Əliyev və Azərbaycan iqtisadiyyatı”, müdavim I kurs tələbəsi Həmid Həbibov “Heydər Əliyev və Azərbaycan milli ideologiyası” və digər müdavimlər çıxış edərək ulu öndər Heydər Əliyev idarəçiliyinin əhəmiyyəti barədə ətraflı fikir mübadiləsi aparmışlar.

DİA-nın Mətbuat və İnformasiya Xidməti                                            Foto>>