DÖVLƏT İDARƏÇİLİK AKADEMİYASINDA HEYDƏR ƏLİYEVİN ANIM GÜNÜ

Mayın 8-də Azərbaycan Respublikasının Prezidenti yanında Dövlət İdarəçilik Akademiyasının Böyük Akt zalında Ümummilli Lider Heydər Əliyevin anadan olmasının 86-cı ildönümünə həsr olunmuş “Heydər Əliyev və Azərbaycan Respublikasında dövlət idarəçiliyinin sosial-siyasi və hüquqi məsələləri” mövzusunda elmi-praktiki konfrans keçirilmişdir.
Konfrans iştirakçıları öncə Heydər Əliyevin DİA-dakı büstünü ziyarət edərək əklil qoymuşlar. Eyni zamanda Yeni Azərbaycan Partiyası sıralarına qəbul olunmuş tələbə gənclərə vəsiqələr təqdim edilmişdir.
Konfransı İdarəçilik Akademiyasının rektoru, əməkdar elm xadimi, professor Seyfəddin Qəndilov açaraq tədbir iştirakçılarını salamlamış, Ulu Öndər Heydər Əliyevin ölkədə demokratikləşmənin dərinləşməsi, hüquqi dövlətin formalaşması və müstəqil dövlətçilik bünövrəsinin möhkəmlənməsi sahəsində gördüyü işlərdən danışaraq onun dövlətçilik salnaməmizə yazdığı səhifələri bir daha vərəqləmişdir. Rektor Heydər Əliyevin əsasını qoyduğu idarəçilik sisteminin sosial-siyasi, hüquqi aspektlərini geniş şəkildə şərh etmiş, ulu öndərin zəngin idarəçilik irsinin və çox illik təcrübəsinin öyrənilməsinin əhəmiyyətini və bu sahədə İdarəçilik Akademiyasında görülən işlərdən söz açmışdır. S.Qəndilov məhz Heydər Əliyevin həyata keçirdiyi köklü islahatlar nəticəsində Azərbaycanda sağlam və sabit ictimai-siyasi mühitin formalaşdığını, vətəndaşların hüquq və azadlıqlarının dolğun təmin edildiyini, bir sözlə ölkəmizdə demokratk, hüquqi və dünyəvi dövlət quruculuğunun dinamik inkişaf yoluna qədəm qoyduğunu bir daha vurğulamış və bugünkü uğurlarımızın bu bazis əsasında qazandığını dilə gətirmişdir.
Sonra DİA-nın professoru N.Ələkbərovanın, dosentlər Ə.Rzayev, G.Süleymanova və M.Tağıyevin mövzu ətrafında geniş məruzələri dinlənilmişdir.   

Foto

DIA-nın Mətbuat və İnformasiya Xidməti