DÖVLƏT İDARƏÇİLİK AKADEMİYASINDA   TƏQDİMAT MƏRASİMİ KEÇİRİLMİŞDİR

Martın 11-də Azərbaycan Respublikasının Prezidenti yanında Dövlət İdarəçilik Akademiyasında “Dövlət idarəçiliyində varislik, novatorluq və dinamizm” İlham Əliyevin Prezidentlik fəaliyyətinin xronikası: Rəsmi qəbul və səfərlərinin icmalı (2003-2008) adlı iki cildlik kitabın təqdimat mərasimi keçirilmişdir.
Kitabda cənab İlham Əliyevin prezidentlik fəaliyyətinin beş illik dövrünün xronikası: rəsmi qəbul və səfərlərinin icmalı, habelə müxtəlif beynəlxalq qurumların nümayəndələri ilə görüşləri, müxtəlif məruzə, nitq, çıxış və müsahibələri geniş və ətraflı şəkildə öz əksini tapmışdır.
Mərasimi Akademiyanın rektoru, əməkdar elm xadimi prof. Seyfəddin Qəndilov açaraq ümummilli lider Heydər Əliyevin zəngin və unikal dövlət idarəçilik məktəbinin layiqli davamçısı olan cənab İlham Əliyevin siyasi kursunun varislik, novatorluq və dinamizm prinsiplərinə əsaslandığını xüsusi vurğulamışdır.  Rektor bu kursun cəmiyyətin mütləq əksəriyyəti tərəfindən birmənalı olaraq dəstəkləndiyini və 2008-ci il 15 oktyabr Prezident seçkilərində bu həqiqətin bir daha təsdiqləndiyini qeyd etmişdir. Rektor kitabın cənab İlham Əliyevin idarəçilik fəaliyyətini və bu çoxcəhətli fəaliyyətin səmərəli nəticələrini öyrənmək baxımından kitabın məmurlarımız, eləcə də DİA-da hazırlanan ehtiyat kadrlar, təhsil alan müdavimlər, həmçinin geniş oxucu kütləsi üçün faydalı olduğunu bildirmişdir.
Təhsil Nazirliyi tərəfindən dərs vəsaiti kimi tövsiyə olunmuş kitabın elmi redaktoru, akademik Ramiz Mehdiyev, rəyçisi professor Əli Həsənov, tərtibçiləri professor Seyfəddin Qəndilov, dosentlər Elçin Əhmədov və Elman Nəsirovdur.

Foto

DIA-nın Mətbuat və İnformasiya Xidməti