Mayın 2-də Azərbaycan Respublikasının Prezidenti yanında Dövlət İdarəçilik Akademiyasında Tələbə Elmi Cəmiyyəti “Heydər Əliyev: Azərbaycanın uğurlu gələcəyinə təminat yaradan Ümummilli Lider” mövzusunda elmi konfrans keçirmişdir.
Konfransı giriş sözü ilə Akademiyanın rektoru, əməkdar elm xadimi, professor Seyfəddin Qəndilov açaraq qeyd etmişdir ki, bu konfrans ulu öndərin anadan olmasının 85-ci ildönümü münasibətilə keçirilən silsilə tədbirlərdən biridir. Müstəqil Azərbaycan dövlətinin yaranmasında, möhkəmlənməsində və dünya miqyasında tanınmasında Heydər Əliyevin tarixi xidmətlərindən danışan rektor daha sonra bildirmişdir ki, çox şərəfli, çətin və keşməkeşli ömr yaşamış Ümummilli Liderimiz müstəqilliyimizin qorunub saxlanmasında misilsiz fəaliyyət göstərmişdir. Ulu öndərin Azərbaycan təhsilinə, gənclərinə göstərdiyi diqqət və qayğı bu gün möhtərəm prezident İlham Əliyev tərəfindən uğurla davam etdirilir.
İdarəçilik Akademiyasının Tələbə Elmi Cəmiyyətinin sədri, dosent Sevil Məmmədova “Heydər Əliyevin müstəqil Azərbaycan dövlətçiliyinin inkişafı modeli”, Siyasi İdarəetmə fakültəsinin TEC-in sədri Tamerlan Axundov “Heydər Əliyev Azərbaycan Konstitusiyasının banisidir”, IV kurs tələbəsi Elvin Mirzəyev “Heydər Əliyevin Azərbaycanı iqtisadi böhrandan çıxarmaq siyasəti”, magistrant Üzeyir Hümbətov “Heydər Əliyev və balanslaşdırılmış xarici siyasətdə regional layihələr” adlı məruzələrində həmin mövzular barədə ətraflı məlumat verərək, bu nadir şəxsiyyətin cəmiyyətin bütün sahələrdəki uğurlu fəaliyyətindən söz açmış, illər keçsə belə Heydər Əliyev nəzəriyyəsi və təcrübəsinin ölkəmizin inkişaf və tərəqqisi üçün daim öz töhfələrini verəcəyini qeyd etmişlər. Sonra digər tələbə, magistr və müdavimlər çıxış edərək ölkəmizdə gedən ictimai-siyasi dəyişikliklərdən, Heydər Əliyevin Azərbaycanda sabitliyin təmin edilməsi rolundan, kadr siyasətində gənclərin yerindən və onun diplomatiya məharətindən danışmışlar.
DİA-nın Mətbuat və İnformasiya Xidməti
|
Dövlət