Azərbaycan Respublikasının Prezidenti yanında Dövlət İdarəçilik Akademiyasında 19-23 dekabr 2011-ci il tarixində keçirilən ixtisasartırma kursunun növbəti buraxılışı başa çatmışdır. «Azərbaycanda dövlət-din münasibətləri» istiqaməti üzrə kursda icra hakimiyyəti orqanlarının, müvafiq nazirlik, komitə və idarələrin rəhbər işçiləri iştirak etmişlər.
Kursun çöàö ðçãöçåê Azərbaycan Respublikasında dövlətin din siyasətinin prioritet istiqamətləri, dövlət-din münasibətlərinin qanunvericilik bazası, ölkəmizdə vicdan azadlığının təmin edilməsinin icra mexanizmləri, mövcud dini durum, bu sahədəki problem və perspektivlər, dini ekstremizm və onunla mübarizə yolları haqqında biliklərin sistemləşdirilməsi və dinləyicilərə yeni biliklərin verilməsidir. Kursda həmçinin tematik plana uyğun olaraq vicdan azadlığı məsələsinə dövlətin milli maraqları baxımından yanaşılmışdır, milli-mənəvi dəyərlərə dövlət qayğısından və dini qurumların dövlət qeydiyyatına alınmasından bəhs olunmaqla bərabər, Azərbaycanda qeyri-ənənəvi dinlər və təriqətlər, missionerlik fəaliyyəti, dinlərarası dialoq, dini təhsil məsələləri və müasir Azərbaycan cəmiyyətindəki dini problemlərə toxunulmuşdur.
Təhsil müddəti ərzində kursda Azərbaycan Respublikası Prezidenti Administrasiyasının İctimai-siyasi məsələlər şöbəsinin müdiri Əli Həsənov, Dini Qurumlarla iş üzrə Dövlət Komitəsinnin sədri Hidayət Orucov, Dini Qurumlarla iş üzrə Dövlət Komitəsinnin sədr müavini Gündüz İsmayılov və Komitənin əməkdaşları Səbinə Allahverdiyeva, Yusif Əsgərov, Ceyhun Məmmədov, Milli Təhlükəsizlik Nazirliyinin Antiterror Mərkəzinin idarə rəisi İdrət Fətullayev, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası Katibliyinin icraçı direktoru Fərasət Qurbanov, Daxili İşlər Nazirliyinin Baş İctimai Təhlükəsizlik İdarəsinin şöbə rəisi Əziz Baqişev, Xarici İşlər Nazirliyinin İkinci (Şərq) ərazi idarəsinin rəis müavini Oqtay Qurbanov, Nazirlər Kabineti Aparatının Humanitar məsələlər şöbəsinin baş məsləhətçisi Abid Tahirli, Ədliyyə Nazirliyinin Qanunvericilik baş idarəsinin inzibati və hərbi normativ aktlar idarəsinin məsləhətçisi Azər Tğıyev, Azərbaycan Respublikası İnsan Hüquqları üzrə Müvəkkili (Ombudsman) Aparatının şöbə müdiri Zaur Əliyev, AMEA-nın Fəlsəfə-Sosiologiya və Hüquq İnstitutunun şöbə müdiri Sakit Hüseynov, Azərbaycan Respublikasının Prezidenti yanında Strateji Araşdırmalar Mərkəzinin şöbə müdiri Tahirə Allahyarova, Milli Mətbuat Şurasının baş redaktoru Fazil Abbasov, Bakı Dövlət Universitetinin əməkdaşı Aqil Şirinov həmçinin tanınmış professor-müəllim heyəti dinləyicilər qarşısında din sahəsində müxtəlif mövzularda mühazirələrlə çıxış etmişlər.Kursun dinləyiciləri Azərbaycan Respublikasının Dini Qurumlarla iş üzrə Dövlət Komitəsində səyyar məşğələdə olmuşlar.
Dekabr ayının 23-də Azərbaycan Respublikasının Prezidenti yanında Dövlət İdarəçilik Akademiyasında həmin istiqamət üzrə dinləyicilərin buraxılış mərasimi keçirilmişdir. Dövlət İdarəçilik Akademiyasının rektor əvəzi, professor Əlikram Abdullayev kursun sonunda dinləyicilər qarşısında çıxış etmiş, onlara kursu müvəffəqiyyətlə bitirdiklərinə görə vəsiqələr təqdim edərək gələcək işlərində uğurlar arzu etmişdir.
Foto
DİA-nın Mətbuat və İnformasiya Xidməti
|
Dövlət