Dövlət İdarəçilik Akademiyasında oktyabrın 17-də Azərbaycanın Müstəqillik günü ilə əlaqədar tədbir keçirilmişdir.
Tədbiri Akademiyanın rektoru, əməkdar elm xadimi, professor Seyfəddin Qəndilov açaraq Akademiyanın professor-müəllim, tələbə, müdavim və bütün kollektivi bayram günü, eləcə də Yeni Azərbaycan Partiyasının sədri cənab İlham Əliyevin prezident seçkilərində qələbə qazanması münasibətilə təbrik etmişdir. Müstəqil Azərbaycan dövlətinin yaranmasında, möhkəmlənməsində və dünya miqyasında tanınmasında ulu öndər Heydər Əliyevin tarixi xidmətlərindən danışan rektor, daha sonra bildirmişdir ki, çoxşərəfli, çətin və keşməkeşli ömür yaşamış ümummilli liderimiz müstəqilliyimizin qorunub saxlanılmasında misilsiz fəaliyyət göstərmişdir. İllər keçsə belə, Heydər Əliyev nəzəriyyəsi və təcrübəsi ölkəmizin inkişaf və tərəqqisi üçün daim öz töhfələrini verəcəkdir. Bu gün ümummilli liderimiz Heydər Əliyevin layiqli davamçısı, Azərbaycan Respublikasının Prezidenti cənab İlham Əliyev böyük öndərin kursunu uğurla davam etdirir. Prezidentlik fəaliyyəti dövründə cənab İlham Əliyevin atdığı məqsədyönlü addımlar, imzalanan çoxsaylı dövlət proqramları, fərman və sərəncamlar bu gün Azərbaycan xalqının rifahının yüksəldilməsinə, müstəqilliyinin qorunub saxlanılmasına xidmət edir. Rektor 7 ildə xalqımızın qazandığı ən böyük uğurlardan – sabitlikdən, dinamik inkişafdan və beynəlxalq aləmə inteqrasiyadan söz açmış, möhtərəm prezident İlham Əliyevin Azərbaycan təhsilinə və gənclərə göstərdiyi qayğıdan və onun diplomatiya məharətindən danışmışdır.
Aspirantura şöbəsinin müdiri, dosent Musa Quliyev, müdavim II kurs tələbəsi Həmid Həbibov, IV kurs tələbəsi Camalzadə Vüqar, III kurs tələbəsi İlkin Həsənəliyev çıxışlarında 18 oktyabr Müstəqillik gününün qeyd olunmasının vacibliyini xatırlayaraq, xalqımızın keçirdiyi bayramlar sırasında bu günün böyük əhəmiyyət kəsb etdiyini bildirmiş, öz ürək sözlərini tədbir iştirakçıları ilə bölüşmüşlər.
Tədbirdə Akademiya tələbələri Müstəqillik gününə həsr olunmuş şeirlər söyləmişlər.
Foto
DIA-nın Mətbuat və İnformasiya Xidməti
|
Dövlət