DİA-nın əməkdaşı  Moskvada keçirilmiş XI beynəlxalq elmi-praktik konfransda iştirak etmişdir

DİA-nın “Telekommunikasiya xidməti” şöbəsinin müdiri Bədəlov Tahir 1C firmasının dəvəti ilə “Təhsildə yeni informasiya texnologiyaları” mövzusunda fevral ayının 1 və 2-də Moskvada keçirilmiş XI beynəlxalq elmi-praktik konfransda iştirak etmişdir.
Konfransın təşkilatçıları Rusiya ali məktəblərinin müxtəlif sahələr üzrə tədris-metodiki birlikləri (maliyyə, hesabat, tətbiqi riyaziyyat, informatika və s.), Rusiyanın Maliyyə Universiteti və 1C firması idi..
Konfransın məqsədi 1C firmasının texnologiyalarının köməyi ilə təhsil müəssisələrində tədrisin keyfiyyətinin artırılması və təhsil müəssisələrinin idarə olunması problemlərini müzakirə etmək idi.
Konfransda 1C firmasının əməkdaşları çıxış edərək, firmanın  yaratdığı və təhsil müəssisələrinin fəaliyyətini tam və ya ayrı-ayrı hissələrini avtomatlaşdıran çoxlu sayda proqram məhsulları, o cümlədən 1C-ПРЕДПРИЯТИЕ platformasında yaradılmış 1C-БУХГАЛТЕРИЯ, 1C-УНИВЕРСИТЕТ, 1С-ШКОЛА, 1С-БУХУЧЕТ И ТОРГОВЛЯ və başqa proqramlar haqda geniş məlumat verdilər.
Konfransda ali məktəblərin əməkdaşları çıxış edərək 1C firmasının proqramlarının tətbiqindən nə cür faydalandıqlarını konfransın iştirakçılarına prezentasiyaların köməyi ilə nümayiş etdirdilər. Konfransın təşkilatçıları eləcə də foyedə 1C firmasının proqramlarının kompüterlərdə nümayişini və satışını da təşkil etmişdilər.
Məlum olduğu kimi Azərbaycanda ilk olaraq 1C firmasının məhsullarına ciddi maraq göstərən Dövlət İdarəçilik Akademiyası olmuşdur. Belə ki, elektron kurslar yaratmaq və imtahanların test üsulu ilə keçirilməsi üçün 1C-ЭЛЕКТРОННОЕ ОБУЧЕНИЕ, КОНСТРУКТОР КУРСОВ proqramı əldə edilmişdir. Akademiyanın portalını yaratmaq üçün isə 1C-BİTRİX ВНУТРЕННИЙ ПОРТАЛ УЧЕБНОГО ЗАВЕДЕНИЯ proqramı alınmışdır. Bədəlov Tahirin konfransda iştirakının əsas məqsədi 1C firmasına səfər edərək, bu firmanın məsul şəxsləri ilə tanış olmaq və adı çəkilən proqramların istismarında yaranan problemləri, nöqsanları 1C firması ilə müzakirə edərək  yeni təkliflər vermək, Akademiya üçün yararlı olan digər yeni proqram məhsulları ilə tanış olmaq, Rusiya təhsil ocaqlarının artıq uzun illər 1C firmasının məhsullarının istifadəsindən nə dərəcədə faydalanmasını, onların rastlaşdığı çətinlikləri öyrənmək idi.
Konfransda ali məktəblərin əməkdaşlarının yeni texnologiyalardan istifadəyə həvəsinin artırılması və bu texnologiyalardan istifadə məsuliyyətini dərindən dərk etməsi üçün hansı addımların atılması məsələsi də müzakirə olunmuşdur.

Foto

DİA-nın "Telekommunikasiya xidməti” şöbəsi