 Azərbaycan Respublikasının Prezidenti yanında Dövlət İdarəçilik Akademiyasında 06-11 oktyabr 2008-ci il tarixində keçirilən ixtisasartırma kursunun növbəti buraxılışı başa çatmışdır.
“Azərbaycan Respublikasının gənclər siyasəti” proqramı üzrə kursda şəhər, rayon İcra Hakimiyyəti orqanlarının ictimai-siyasi şöbə müdirləri, Gənclər və İdman, Mədəniyyət və turizm, Təhsil Nazirliklərinin mərkəzi aparatının və rayon təşkilatlarının, kütləvi informasiya vasitələrinin gənclərlə iş üzrə məsul əməkdaşları və gənclərin ictimai birliklərinin nümayəndələri iştirak etmişlər.
Bu istiqamətdə kursun əsas məqsədi gənc liderlərin hazırlanması və gənclərlə işin elmi idarə olunmasının mənimsənilməsi, Azərbaycan Respublikasınd a dövlətin gənclər siyasəti, milli dövlət quruculuğunda gənclərin rolu, gənclər siyasətinin hüquqi əsasları, gənclərin siyasi mədəniyyətinin formalaşdırılmasının, hərbi vətənpərvərlik tərbiyəsinin aktual problemləri, Azərbaycan gəncliyi beynəlxalq aləmdə və s. sahələrdə birliklərin sistemləşdirilməsi, dinləyicilərə yeni bilik verilməsidir.
Tədris-tematik plan üzrə kursda təməli Azərbaycan xalqının ümummilli lideri Heydər Əliyev tərəfindən qoyulmuş və hazırda ölkə Prezidenti cənab İlham Əliyev tərəfindən uğurla davam etdirilən Azərbaycan Respublikasında gənclər siyasəti və onun uğurları, müasir dünyada gəncliyin yeri və rolu, Milli dövlət quruculuğunda gənclərin rolu, Azərbaycan ordusunun mənəvi arsenalı və digər məsələlər zhatə olunmuşdur.
Təhsil müddəti ərzində  kursda Gənclər və İdman nazirinin müavinləri İntiqam Babayev və İsmayıl İsmayılov, Təhsil Nazirinin müavini Elmar Qasımov, Azərbaycan Respublikasının Prezidentinin İcra Aparatının İctimai-siyasi şöbəsinin sektor müdiri Tahir Süleymanov, Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhramanova, Dini qurumlarla iş üzrə Dövlət Komitəsinin sədr müavini Elçin Əsgərov, BMT-nin İnkişaf proqramının hüquq-mqhafizə orqanları ilə iş bölməsinin rəhbəri Məzahir Əfəndiyev, müxtəlif nazirliklərin, Dövlət İdarəçilik Akademiyası və digər ali məktəblərin tanınmış alim-mütəxəssisləri Azə rbaycan Respublikasının gənclər siyasətinin müasir problemlərinə dair müxtəlif mövzularda mühazirələrlə çıxış etmişlər.
Oktyabr ayının 11-də Azərbaycan Respublikasının Prezidenti yanında Dövlət İdarəçilik Akademiyasında həmin istiqamət üzrə dinləyicilərin buraxılış mərasimi keçirilmişdir. DİA-nın rektoru, əməkdar elm xadimi, prof. S.T.Qəndilov kursun sonunda dinləyicilər qarşısında çıxış etmiş, onlara kursu müvəffəqiyyətlə bitirdiklərinə görə vəsiqələr təqdim edərək gələcək işlərində uğurlar arzu etmişdir.
DİA-nın Mətbuat və İnformasiya Xidməti |
Dövlət