DİA-da İngiltərənin səfiri ilə görüş keçirilmişdir

İyunun 24-də Azərbaycan Respublikasının Prezidenti yanında Dövlət İdarəçilik Akademiyasında İngiltərənin ölkəmizdəki fövqəladə və səlahiyyətli səfiri xanım Karolin Braun ilə Akademiyanın professor-müəllim, tələbə və müdavimlərin görüşü keçirilmişdir.
Görüşü Akademiyanın rektoru, əməkdar elm xadimi, professor Seyfəddin Qəndilov açaraq qonağı salamlamış, ölkələrimiz arasında əlaqələrin günbəgün genişlənməsini qeyd etmiş, İngiltərə-Azərbaycan münasibətləinin inkişafı istiqamətində ölkəmizin Prezidenti cənab İlham Əliyevin səylərini xüsusi vurğulamışdır. Rektor dövlətlərarası təmasların daim davam etməsi yönümündə keçirilən tədbirlərdən söz açaraq az vaxt ərzində İngiltərə səfirliyinin əməkdaşlarının Akademiyadakı görüşlərindən danışmış, bu təmasların professor-müəllim, tələbə və müdavimlərdə zəngin təəssürat yaratdığını bildirmişdir.
İngiltərənin ölkəmizdəki fövqəladə və səlahiyyətli səfiri xanım Karolin Braun tədbir iştirakçılarına təmsil etdiyi dövlətin siyasətindən, iqtisadiyyat, təhsil və digər sahələrdə görülən işlərdən danışmışdır.
Görüş maraqlı diskussiya ilə davam etmişdir. Səfir professor və müəllimlərin, tələbələrin, habelə Akademiyada təhsil alan məmurların çoxsaylı suallarına cavab vermişdir.
Xanım Karolin Braun səmimi keçən görüş üçün Akademiya rəhbərliyinə və kollektivinə öz dərin minnətdarlığını bildirmişdir.
Sonda Akademiyanın rektoru professor Seyfəddin Qəndilov maraqlı keçən görüşə görə xanım Karolin Brauna təşəkkür etmişdir.

DİA-nın Mətbuat və İnformasiya Xidməti