Martın 5-də Azərbaycan Respublikasının Prezidenti yanında Dövlət İdarəçilik Akademiyasında 8 Mart Beynəlxalq Qadınlar gününə həsr olunmuş yığıncaq keçirilmişdir.
Yığıncağı Akademiyanın rektoru, əməkdar elm xadimi, professor Seyfəddin Qəndilov açaraq Ulu Öndər, xalqımızın Ümummilli Lideri Heydər Əliyevin ölkəmizdə qadın siyasətinin formalaşmasındakı rolundan, Azərbaycan qadınlığının inkişafı və cəmiyyətdəki rolunun yüksəldilməsi sahəsindəki xidmətlərini qeyd etmişdir. Rektor qadınların cəmiyyətdə böyük rolunu qeyd etmiş, ölkəmizdə qadınlar üçün yaradılmış imkanlardan, onların hüquqlarının qorunması, rəhbər vəzifələrə irəli çəkilməsi istiqamətində görülən işlərdən danışmış, qadınların istər ana, istər ictimaiyyətçi, istər alim, istər müəllim, bir sözlə bütün sahələrdə fəallıq göstərmələrinin təqdirəlayiq hal olduğunu bildirmişdir.
Rektor Azərbaycan qadınlığının ən gözəl bir nümunəsi kimi, YUNESKO və İSESKO-nun xoşməramlı səfiri, millət vəkili, Heydər Əliyev Fondunun prezidenti Mehriban xanım Əliyevanı xeyirxahlıq, humanizm, mərhəmət, sadəlik və insanpərvərlik simvolu kimi dəyərləndirmişdir. O, qeyd etmişdir ki, Azərbaycan qadını öz iradəsi, mərdliyi, sədaqəti və zəkası ilə cəmiyyətmizin həyatında, xalqımızın milli-mənəvi dəyərlər sisteminin formalaşmasında müstəsna rol oynamışdır. Azərbaycan mədəniyyətinin və elminin inkişafında, xalqımızın adət-ənənələrinin qorunub saxlanılması və zənginləşdirilməsində qadınlarımızın həmişə böyük rolu olmuşdur. Bu gün biz fəxrlə deyə bilərik ki, Azərbaycan qadınının səsi, sədası xoş sorağı dünyanın ən yüksək tribunalarından eşidilməkdədir.
Sonra rektor Akademiyada çalışan qadınların fəaliyyətindən, onların tədris prosesində və elmi-tədqiqat işləri sahəsindəki nailiyyətlərindən söz açmış, onları bayram münasibətilə təbrik etmiş və bütün sahələrdə uğurlar arzulamışdır.
Bayram tədbirində tələbələrin və peşəkar müğənnilərin ifasında ana və qadınlara həsr olunmuş şeirlər və mahnılar səsləndirilmişdir.
Foto
DIA-nın Mətbuat və İnformasiya Xidməti |
Dövlət