JOURNALS

1. “DÖVLƏT İDARƏÇILIYI: NƏZƏRIYYƏ VƏ TƏCRÜBƏ”
elmi-nəzəri və praktiki jurnalı.
Demokratik cəmiyyətdə dövlət idarəçiliyinin və özünüidarəetmənin nəzəriyyəsi və praktikası üzrə tədqiqatlar toplusu

Elmi-nəzəri və praktiki jurnal 2003-cü ildən çap olunur. İldə dörd dəfə çıxır.
Jurnalın redaktoru Azərbaycan Respublikasının Prezidenti yanında Dövlət İdarəçilik Akademiyasının rektor əvəzi (I prorektor), fəlsəfə elmləri doktoru, professor Əlikram Abdullayevdir.

“Dövlət İdarəçiliyi: nəzəriyyə və təcrübə” jurnalı mühüm cəhətləri canlandırmağı, ölkəmizin dövlət idarəçiliyi sahəsində qazandığı uğurları  elmi-nəzəri və təcrübi baxımdan ümumiləşdirməyi, idarəetmə mexanizminin mahiyyətini, onun çoxtərəfli bir anlayış olduğunu, demokratik quruculuq prosesində idarəetmə prinsiplərindən düzgün istifadə etməyi açıb göstərməyi qarşısına məqsəd qoymuşdur.
Jurnal Prezident Heydər Əliyevin dövlət idarəçiliyi sahəsindəki böyük və zəngin təcrübəsini, onun dərin nəzəri irsini, idarəetmə mədəniyyətini təbliğ edən, öyrədən zəkalı elm sahələrinin dövlət idarəçiliyinə aid nəzəri və təcrübi mülahizələrini, müxtəlif vəzifələrdə çalışan tanınmış dövlət xadimlərinin idarəetmə sahəsində qazandığı mühüm uğurları, fəaliyyətini işıqlandırır, ölkəmizdə idarəetmə orqanları qarşısında dövlət başçısının qoyduğu vəzifələrin həyata keçirilməsi istiqamətində zəruri aktual əhəmiyyət kəsb edən mövzuları öz səhifələrində əks etdirir.
Jurnalın səhifələrində dövlət xadimləri, dövlət strukturunda işləyən müxtəlif siyasi xadimlər, politoloqlar, iqtisadçılar idarəetmənin geniş, çoxpilləli sahələri ilə bağlı fikir və mülahizələrini söyləmiş, Azərbaycanın geosiyasi, geoiqtisadi vəziyyəti və bu istiqamətdə qarşıda duran qlobal problemlər, təbii ehtiyatlardan səmərəli istifadənin düzgün idarəolunması məsələləri öz əksini tapmışdır.
“Dövlət İdarəçiliyi: nəzəriyyə və təcrübə” jurnalında xalqımızın milli mentaliteti, tarixi keçmişimizə düşməncəsinə yanaşan erməni siyasətçilərinin dövlətçiliyimizə qarşı yönəldilmiş məkrli fəaliyyətinin ifşası, bu istiqamətdə onlara qarşı aparılan mübarizə üsulları, Azərbaycanın Qafqazda, Yaxın Şərqdə, eləcə də dünya iqtisadi birliyində mövqeyi, geniş ictimaiyyəti düşündürən mühüm problemlər barədə yazılar dərc olunur.
Jurnalın başlıca məramı ölkəmizdə idarəetmə strukturlarında çalışan məmurları, bütün işçiləri öz ixtisasları ilə bağlı geniş elmi-təcrübi biliklərlə təmin etməkdən ibarətdir.

JURNALIN STRUKTURU

I. Dövlət quruculuğu, dövlət idarəçiliyinin elmi-nəzəri əsasları
II. Sosial-iqtisadi siyasət və sahə idarəetməsi
III. Regional siyasət və idarəeetmə
IV. Dövlət idarəçiliyində hüquqi təminat, siyasət və qanunçuluq
V. Vətəndaş cəmiyyəti, humanitar siyasət və özünüidaretmə
VI. Beynəlxalq münasibətlər və xarici siyasət
VII. Dövlət idarəçiliyi, idarəetmə kadrlarının hazırlanmasında milli və beynəlxalq təcrübə
VIII. Rəsmi xronika, tənqid və biblioqrafiya 

“DÖVLƏT İDARƏÇILIYI: NƏZƏRIYYƏ VƏ TƏCRÜBƏ” JURNALININ NƏŞRLƏRİNİN MÜNDƏRİCATLARI

2003-2006
2007-2010
2011-2014

2. “MARAQ VƏ MƏNTİQ” jurnalı.

“Maraq və Məntiq” jurnalı əməkdar elm xadimi, professor Məlik-Baxış Babayev tərəfindən yaradılmış və  1999-2006-cı illər arasında 7 il 2 ay ərzində Azərbaycan Dövlət Televiziyasında onun 500 dəfə canlı apardığı “Maraq və Məntiq ” verilişi əsasında yaranmışdır. Jurnalın təsisçisi və baş redaktoru əməkdar elm xadimi, professor Məlik-Baxış Babayevdir. 2006-cı ilin aprel ayından “Maraq və Məntiq” jurnalı Azərbaycan Respublikasının Prezidenti yanında Dövlət İdarəçilik Akademiyası ilə birgə nəşrolunur. Ayda bir dəfə çıxır.
Jurnalın redaksiya heyətinin üzvləri - mötəbər elm xadimləri: DiA-nın rektoru, əməkdar elm xadimi, prof. Seyfəddin Qəndilov, AMEA-nın müxbir üzvü, əməkdar elm xadimi, prof. Əli Nuriyev, dosent Ağamehdi Mehtəliyev, dosent Firdovsiyyə Əhmədova və b. çoxlu sayda məqalələri ilə jurnalın həyatında aktiv iştirak edirlər.
Jurnalın məqsədi insanların həyata marağını artırmaq və məntiqi düşünmə qabiliyyətini yüksək səviyyədə saxlamaqdır. Jurnalın hər sayında həyatın müxtəlif sahələrinə və elmlərə aid suallar, keçmiş sualların cavabları, qaliblər səhifəsi, elmi-populyar məqalələr, insanın xarakterik xüsusiyyətlərini aydınlaşdırmağa imkan verən psixoloji testlər, məzəli və məntiqli səhifə, yapon oyunları,  gündəlik həyatda lazım olan faydalı məsləhətlər oxucuların rəğbətini qazanmışdır. Jurnalın DİA-nın tələbələri arasında və Azərbaycanın müxtəlif rayonlarında çoxlu sayda aktiv oxucuları vardır.

3. “GƏNC İDARƏÇİLƏR” ictimai nəzəri jurnalı.

Dövlətİdarəçilik Akademiyası DİSKUSSİYA klubunun mətbu orqanı olan ictimai-nəzəri jurnal 2009-cu ildən çap olunur. Ayda bir dəfə çıxır.

“GƏNC İDARƏÇİLƏR” jurnalının baş redaktoru vətərtibatçısı : Akademiyanın tələbəsi TAMERLANDƏMİRBƏYLİ

“GƏNC İDARƏÇİLƏR” jurnalında Dövlət İdarəçilik Akademiyasının tələbələrinin elmi və ictimai həyati geniş işıqlanır, onların Akademiya daxilində və respublika miqyasında əldə etdiyi uğurlardan söhbət açılır  və həmçinin, tələbələrimizin elmi araşdırmalarına xüsusi diqqət verilir.
Dövlət İdarəçilik Akademiyasının tələbələrinin elmi-maarifləndirici tədbirlərini təşkil edən Diskussiya Klubunun hazırladığı “GƏNC İDARƏÇİLƏR” jurnalının ərsəyə gəlməsində Akademiyanın rektoru, əməkdar elm xadimi, professor Seyfəddin Qəndilovun tələbələrə verdiyi dəstək müstəsna əhəmiyyət kəsb edir.
http://www.dia-jurnal.tr.gg
websaytına daxil olmaqla “GƏNC İDARƏÇİLƏR” jurnalının bütün nəşrlərini əldə etmək olar.

Dövlət İdarəçilik Akademiyası Elmi Kitabxanasına 2011-ci il I yarımillik dövrü üçün daxil olmuş jurnallar:

Rusiya nəşrləri:

Azərbaycan nəşrləri:

1. AR Qanunvericilik toplusu
2.  Azərbaycan və dünya
3.  Təhsil xəbərləri
4.  Azərbaycan
5.  Qanun